21% e qytetarëve të RMV-së besojnë se do hyjnë në BE deri në 2025

Shtyrja e nisjes së bisedimeve të Maqedonisë se Veriut me Bashkimin Europian ka sjellë rënie të besimit të qytetarëve te unioni europian.

Në një studim të fundit të kryer nga Këshilli Rajonal i Bashkëpunimit, mbështetja për anëtarësimin e Maqedonisë së Veriut në Bashkimin Evropian ka pësuar rënie në 53%, nga mbi 70% që ka qenë më parë.

Në nivel të Ballkanit Perëndimor, 63% e të anketuarve mbështesin anëtarësimin në BE, ndërsa 8% janë kundër. Qëndrim neutral kanë 27%.

Nga të anketuarit në Maqedoninë e Veriut, 21% besojnë që vendi do të bëhet anëtare e BE-së deri në vitin 2025, 31% deri në vitin 2030, kurse 31% të tjerë besojnë se vendi asnjëherë nuk do të pranohet në BE.

Maqedonia e Veriut mori rekomandim për nisjen e bisedimeve në prill të vitit 2018, por u bllokua, pasi Shqipëria nuk kishte plotësuar kushtet.

Së fundi, Bullgaria bllokoi anëtarësimin e Maqedonisë së Veriut e për rrjedhojë dhe të Shqipërisë.

LEXONI GJITHASHTU:

• Përplasje Bullgari-Maqedoni e Veriut për pakicat, analisti: Pjesë e folklorit parazgjedhor
• Riatdhesohen 23 persona në RMV nga kampet e Sirisë, mes tyre 14 fëmijë
• Zaev kërkon që zgjedhjet lokale në RMV të mbahen më 31 tetor