Moshat nën 50-vjeç më të rrezikuarat nga varianti Delta i COVID-19

Varianti Delta i Covid-19, i njohur edhe si mutacioni indian, tashmë ka prekur edhe Shqipërinë.

Rasti i parë i këtij mutacioni u zbulua në dhjetor 2020 dhe për 7 muaj është përhapur në mbi 100 shtete.

Shkencëtarët kanë gjetur se ky virus transmetohet 43% deri 90% më shpejt se variantet e mëparshëm të COVID-19.

Simptomat e personave që janë infektuar me variantin Delta ndryshojnë nga simptomat klasike. Personat e infektuar me variantin Delta nuk humbasin shijen si dhe kanë rrjedhje hundësh, përveç kollës, temperaturës, dhimbjes së fytit dhe dhimbjes së kokës.

Shifrat tregojnë se Delta është më agresiv se varianti fillestar edhe për rrezikun e shtrimit në spital, ndërsa moshat nën 50-vjeç kanë 2.5 herë më shumë gjasa të infektohen.

Të rinjtë janë më të prekurit, edhe për shkak të shkallës së ulët të vaksinimit, por ata zhvillojnë simptoma më të lehta në krahasim me të moshuarit.

Shtete si Franca, Turqia, Italia, Gjermania e Izraeli e Shqipëria raportojnë rritje të shpejtë të infektimeve gjatë javës së fundit, ndërsa ekspertët thonë se mbrojtja më e mirë është marrja e një vaksine.

Në pamundësi të injektimit, këshillohet distancimi fizik, higjiena dhe mbajtja e maskës.

LEXONI GJITHASHTU:

• Varianti Delta mbizotërues në pjesën më të madhe të Evropës, njofton OBSH
• BE miraton përdorimin e vaksinës Moderna për fëmijët 12-17 vjeç
• Konfirmohet prania e variantit “Delta” në Shqipëri