Basha: Raporti i OSBE/ODIHR konfirmon masakrën zgjedhore

Kryetari i Partisë Demokratike, Lulzim Basha thotë se raporti përfundimtar i OSBE/ODIHR për zgjedhjet parlamentare të 25 prillit dëshmon tjetërsimin e vullnetit të shqiptarëve.

Z. Basha duke iu referuar përfundimeve të raportit, thotë se OSBE/ODIHR pranon se ka pasur blerje masive të votave, presion ndaj votuesve dhe keqpërdorim të aseteve publike.

“Raporti konfirmon atë që të gjithë shqiptarët e dinë tashmë: 25 prilli nuk kishte lidhje me demokracinë dhe zgjedhjet e lira e të ndershme”, shprehet kreu i PD.

Lulzim Basha gjithashtu thotë se PS ka përdorur grupe kriminale për të ushtruar presion ndaj zgjedhësve.

LEXONI GJITHASHTU:

Raporti përfundimtar i OSBE/ODIHR për 25 prillin: PS u avantazhua në zgjedhje