Brazili mposht Spanjën në finale, fiton për të dytën herë radhazi medalje ari në futboll

Një gol i Malcom në pjesë shtesë i dha fitoren 2-1 Brazilit në finalen kundër Spanjës e vlefshme për Lojërat Olimpike. Brazili u bë kështu përfaqësuesja e pestë në histori që fiton dy olimpiada radhazi medalje të arta.

Finalja e luajtur në Yokohama pa një Spanjë që e nisi mirë ndeshjen me kombinime të bukura mes Marco Asensio, Mikel Oyarzabal dhe Dani Olmos. Por Brazili ia doli mbanë të bllokojë rastet e krijuara, ndërsa më vonë në minutën e 38-të Richarlison shpërdoroi një penallti.

Sidoqoftë për Brazilin goli do të vinte pak para mbylljes së pjesës së parë nga Cunha, i cili u shërbye nga Dani Alves.

Por Spanja nuk u dorëzua. Në pjesën e dytë me zëvendësimin e Merinos nga Soler, loja u kthye në favor të iberikëve. Pikërisht Soler shërbeu Oyarzabalin në golin e barazimit që u realizua në minutën e 61-të.

Nëntëdhjetë minutat u mbyllën 1-1 dhe kur gjithçka dukej se do shkonte në njëmbëdhjetëmetërsha, Malcom theu baraspeshën duke realizuar golin e fitores.

QUE MOMENTO! QUE GOL! VAMOOOOOOS!

🇧🇷 2×1 🇪🇸 | #BRAxESP #JogosOlímpicos

Fotos: Lucas Figueiredo / CBF pic.twitter.com/S8EVZoLZfh

— CBF Futebol (@CBF_Futebol) August 7, 2021

Në 121 vite futboll në Lojërat Olimpike vetëm katër përfaqësuese ia kishin dalë të fitonin dy herë radhazi medalje të arta. Nga sot pjesë e kësaj historie është edhe Brazili.