Situata e zjarreve në përmirësim, 3 vatra kritike, 4 nën kontroll, 2 në monitorim

Ministria e Mbrojtjes raportoi mbrëmjen e së shtunës se situata e zjarreve në vend është përmirësuar, por shqetësuese mbeten vatrat në qarqet Lezhë, Kukës e Gjirokastër ku mund të kërkohet edhe ndërhyrja me helikopterë.

Ministria tha se një vatër zjarri është shuar, dy po mbahen nën monitorim, katër janë nën kontroll, ndërsa tre të tjera janë ende në zgjerim.

Vatër zjarri e shuar:

• • • Treblovë, qarku Vlorë.

Vatra zjarri nën monitorim:

• • • Kepi i Rodonit, qarku Durrës;
    • Deshiran, qarku Elbasan;

Vatra zjarri të vëna nën kontroll:

• • • Klysyrë, qarku Kukës;
    • Gjorgos, qarku Fier;
    • Dukat, qarku Vlorë;
    • Maja e Rrunës, qarku Kukës;

Vatra zjarri jashtë kontrollit:

• • • Thirrë, qarku Lezhë;
    • Domgjon, qarku Lezhë;
    • Bejkollarë, qarku Gjirokastër;

Ministria e përshkroi situatën “të vështirë” sidomos në fshatin Thirrë ku “zjarri ka përparuar në dendësinë pyjore”.

“Në varësi të situatës mund të parashikohet edhe ndërhyrje nga ajri,” – tha ministria, e cila e përshkroi ngjashëm edhe situatën në Domgjon ku ka përhapje “në pjesën malore”.

Shqetësuese paraqitet situata edhe në Gjirokastër ku një zjar në fshatin Bejkollarë rrezikon të përhapet drejt Parkut Kombëtar “Bredhi i Hotovës-Dangëlli”. Autoritetet po përpiqen ta vënë nën kontroll.

LEXONI GJITHASHTU:

• Helikopterët nga Holanda dhe Çekia eliminojnë vatrat e zjarrit në Vlorë e Fier
• Ndihma e BE për zjarret, mbërrijnë 3 helikopterë nga Holanda e Çekia
• Shënohet viktima e parë nga zjarret, evakuohen 3 fshatra në Gjirokastër
• Ka dyshime të forta se zjarret janë të qëllimshme, thotë ministri Peleshi