Komiteti Teknik ashpërson masat anti-COVID, kushte të reja për të hyrë në Shqipëri

Të shqetësuar nga rritja e numrit të infektimeve, Komiteti Teknik i Ekspertëve njoftoi sot masat e reja anti-COVID që do të hyjnë në fuqi nga 1 shtatori.

Masat e reja:

• Nga 1 shtatori ora policore 23:00-06:00.
• Nga 6 shtatori qytetarët që hyjnë në Shqipëri duhet të plotësojnë një nga kushtet e mëposhtme:

–        Pasaportë vaksinimi

–        Test PCR negativ brenda 72 orëve ose test antigjen brenda 48 orëve

–        Vërtetim të kalimit të COVID-19 jo më vonë se brenda 6 muajve

–        Vlen dhe për qytetarët që kalojnë transit.

–        Shqiptarët që kthehen në atdhe dhe që nuk kanë një nga provat e mësipërme duhet të izolohen për 10 ditë dhe të njoftojnë autoritetet për të kryer test pas fundit të karantinës.

–        Fëmijët deri 6 vjeç përjashtohen nga këto rregulla.

•  Ndalohet hyrja e personave të tjerë në aeroporte veç pasagjerëve.
• Në ambientet e mbyllura maska e detyrueshme.
• Në spitale nuk lejohet të hyjnë familjarët e të pacientëve.

Ndërkohë Komiteti Teknik i Ekspertëve ka rekomanduar vendosjen e vaksinës së detyruar për stafet mjekësore, arsimtarët dhe studentët deri më 30 shtator, për ata që nuk e kanë do të kërkohet paraqitje periodike e testit PCR negativ.

Përjashtim vetëm ata që kanë dokument mjekësor për mosbërjen e vaksinës, ku duhet  edhe miratimi i një specialisti të ISHP.

LEXONI GJITHASHTU:

• Vaksinim i detyrueshëm për pedagogët dhe studentët brenda 30 shtatorit