Bujar Nishani: Basha dje njohu zyrtarisht parlamentin e ri, po amniston regjimin e Edi Ramës

Ish-presidenti Bujar Nishani reagoi pas mbledhjes së Këshillit Kombëtar të PD ku u miratuan sekretariatet dhe katër nënkryetarët e rinj të Partisë Demokratike.

Përmes një statusi të gjatë në Facebook Nishani akuzon kryetarin e PD se po e çon drejt rrënimit Partinë Demokratike duke amnistuar një pushtet sipas tij të inkriminuar në dëm të shqiptarëve.

“Asnjëra nga palët nuk e fsheh këtë qëllim e dallim. Ajo që është e sigurt në këtë rast është fakti se i interesuari dhe përfituesi më i madh për të pasur të njëjtën PD si të 8 viteve të shkuara është Edi Rama e ai për këtë investon shumë e kudo. Të tjerët janë thjesht argatë të tij. Vërtet dje, L. Basha e harroi regjimin e masakrës elektorale dhe doli me tezën e një pakice thjesht të korruptuar. Por sot L. Basha është totalisht i diskretituar politikisht në opinionin publik”, shkruan veç të tjerash Nishani në mesazhin e tij në rrjetet sociale.

Ish-kreu i Këshillit Kombëtar të PD ishte të parat figura të njohura të së djathtës që doli hapur kundër kreut të PD Lulzim Basha kur humbën zgjedhjet e përgjithshme me 25 prill dhe iu bashkua zërave që kërkonin dorëheqjen e tij nga drejtimi.

LEXONI GJITHASHTU:

• Ish-presidenti Bujar Nishani për Euronews Albania: Nuk do të kandidoj për kryetar të PD
• Bujar Nishani në “Raw Politics”: PD ka përjashtuar brenda tre muajsh gati 30 mijë anëtarë