Gruaja afgane lind fëmijën në spitalin e Shkupit

Një grua afgane ka lindur fëmijën e saj në spitalin e Shkupit, në Maqedoninë e Veriut.

Ajo kishte udhëtuar drejt Shkupit për t’u strehuar përkohësisht në Maqedoninë e Veriut gjatë mbrëmjes së kaluar, ndërsa ishte në javën e 39 të shtatzënisë.

Ministria e Shëndetësisë së Maqedonisë së Veriut ka informuar se fëmija dhe nëna janë në gjendje të mirë shëndetësore dhe për ta po kujdesen ekipet mjekësore prej dje.

Mbrëmjen e së hënës në Maqedoninë e Veriut mbërriti grupi i parë me shtetas afganë, të cilët u pritë nga përfaqësues të lartë të qeverisë.

149 shtetasit afganë do të vendosen në hotele pranë aeroportit të Shkupit, ku do t’i nënshtrohen procedurave për largimin drejt Shteteve të Bashkuara të Amerikës.

LEXONI GJITHASHTU:

• 149 shtetas afganë mbërrijnë në aeroportin e Shkupit
• OKB miraton rezolutën, thirrje talebanëve që afganët të udhëtojnë jashtë vendit