Ministrja Shahini njofton shërbim pisko-social në dispozicion të nxënësve, mësuesëve dhe prindërve

Ministrja e Arsimit, Sportit dhe Rinisë (MASR) Znj. Besa Shahini, përmes një video-mesazh në faqen e saj zyrtare në Facebook, njofton vendosjen në dispozicion të shërbimit psiko-social për nxënësit, mësuesit dhe prindërit.

“Nesër fillojmë javën e katërt të mësimit nga shtëpia. Kuptojmë që kjo është një situatë e pazakontë. Ndaj, nxënësit, por edhe mësuesit e prindërit e tyre mund të kenë nevojë për një mbështetje shtesë në këtë periudhë”, fillon mesazhi i Ministres Shahini.

“Për këtë arsye, Drejtoria e Përgjithshme e Arsimit Parauniversitar (DPAP), së bashku me Urdhrin e Psikologut, kanë organizuar të gjithë shërbimin psiko-social shkollor dhe e kanë vendosur në dispozicion të nxënësve, apo edhe prindërve dhe mësuesve të tyre”, nënvizon ajo. 

Ministrja ka publikuar gjithashtu edhe 4 linqe ku nxënësit, mësuesit dhe prindërit mund të shkruajnë apo kontaktojë direkt me një psikolog apo punonjës social. 

Durrës: http://durres.arsimiparauniversitar.gov.al/kendi-i-psikologut/

Lezhë: http://lezhe.arsimiparauniversitar.gov.al/kendi-i-psikologut/

Fier: http://fier.arsimiparauniversitar.gov.al/kendi-i-psikologut/

Korçë: http://korce.arsimiparauniversitar.gov.al/kendi-i-psikologut/

“Mund të keni shqetësime specifike apo edhe thjesht pyetje të përgjithshme për mënyrën më të mirë për ta menaxhuar situatën në të cilën gjendemi. Pra, mos hezitoni të shkruani! Nëse keni pyetje shtesë, mund të kontaktoni edhe përmes uebsajtit të Drejtorisë së Përgjithshme të Arsimit Parauniversitar”, përfundon mesazhin e saj ministrja Besa Shahini.