“I kënaqur”, Çuçi komenton vendimin e Ramës për rikonfimimin si ministër i Brendshëm

“I kënaqur, shpresoj t’a shpërblej vlerësimin e kryeministrit Rama”, kështu u shpreh Bledi Çuçi për Euronews Albania pas rikonfirmimit në postin e ministrit të Brendshëm.

Çuçi u bë pjesë e bë pjesë e strukturave drejtuese të Partisë Socialiste në vitin 2017,  kur u zgjodh anëtar i Asamblesë Kombëtare të Partisë Socialiste dhe kryetar i Komisionit të Asamblesë për Çështjet e Pushtetit Vendor.

Gjatë viteve 2010-2013, Bledi Çuçi ka shërbyer si ekspert ligjor pranë Komisionit të Posaçëm Parlamentar për Reformën Zgjedhore në Shqipëri e më pas si nënsekretar për Çështjet Zgjedhore në PS.

Në 2013 kur socialistët u rikthyen në mazhorancë pas 8 vitesh atij iu besua posti i Ministrit të Shtetit për Çështjet Vendore dhe Koordinator Kombëtar kundër Korrupsionit, detyrë që e mbajti deri në vitin 2017.

• Kush janë ministrat e rinj në qeverinë Rama 3
• Ministri i ‘besuar’ i Ramës, Bledi Çuçi pjesë e qeverisë në 3 mandate