Lindita Nikolla thotë se ishte surprizë emërimi si kryetare e Kuvendit

Lindita Nikolla, e sapozgjedhur si kryetare e Kuvendit të Shqipërisë është shprehur për Euronews Albania se vendosja në këtë post ishte një surprizë për të.

Ajo theksoi se nuk kishte asnjë informacion se do të drejtonte Kuvendin e ardhshëm.

“Përkthehet në një përgjegjësi maksimale për ta përmbushur këtë besim. Le të presim të gjitha procedurat për folur më gjatë për detyrën. Jo, ishte një surprizë nuk kisha asnjë informacion”, u shpreh znj.Nikolla nga Asambleja e PS-së.

Lindita Nikolla ka mbajtur më herët postimin e ministres së Arsimit.

Ndërkohë me detyrën e re, ajo po zëvendëson Gramoz Ruçin.

Ky i fundit, gjatë Kongresit të jashtëzakonshëm të Partisë Socialiste të mbajtur më 12 qershor, bëri me dije vendimin për t’u tërhequr nga politika. Por, sot ai ishte i pranishëm në Asamblenë e PS-së.

LEXONI GJITHASHTU:

• Kush janë ministrat e rinj në qeverinë Rama 3
• Lindita Nikolla në vend të Gramoz Ruçit, kryetare e re Kuvendit të Shqipërisë