Largohet nga posti i Sekretarit të Përgjithshëm në PS, Balla falenderon patronazhistët

Kryetari i grupit parlamentar të Partisë Socialiste, Taulant Balla tha në një deklaratë për mediat se do të vijojë punën e tij pa u shmangur nga asnjë përgjegjësi.

Balla falënderoi rreth 90 mijë votues në Elbasan që e kanë zgjedhur, ndërsa pranoi me mirënjohje dhe detyrën si drejtues politik i qarkut të Fierit.

“Koha do tregojë që vota për Partinë Socialiste është një votë për të mirën dhe të ardhmen europiane të vendit. Dua të falënderoj anëtarësinë e PS, janë rreth 16 mijë anëtarë në gjithë qarkun e Elbasanit, të falënderoj patronazhistët, se ndoshta u harruan, të cilët kanë bërë një punë të shkëlqyer,” – tha Balla duke i cilësuar këta të fundit si një makineri e jashtëzakonshme elektorale që mundësuan suksesin e Partisë Socialiste.

Pyetur nga Euronews Albania, Taulant Balla nëse është mërzitur që nuk ka marrë një post ministror në qeverinë Rama 3, ai tha se kjo nuk qëndron. Për PS-në ai shprehu mbështetje, ndërsa theksoi se do të fitojë përsëri zgjedhjet vendore të vitit 2023 dhe zgjedhjet e përgjithshme të vitit 2025.

LEXONI GJITHASHTU: 

• Drejtuesit e rinj të Partisë Socialiste në qarqe
• “Nëse them që e prisja, dukem mendjemadh”, Niko Peleshi mbetet tek Mbrojtja
• Lindita Nikolla thotë se ishte surprizë emërimi si kryetare e Kuvendit