Kombëtarja e Spanjës mbërrin në Kosovë

Spanja do të jetë rivali i radhës për Kosovën në ndeshjet kualifikuese për Kampionatin Botëror “Katar 2022”.

“Furia e Kuqe” ka mbërritur në Prishtinë ku është akomoduar në njërin prej hoteleve në qendër të qytetit.

Pasditen e sotme, trajneri i Spanjës Luis Enrique do të zhvillojë një konferencë për media në sallën e konferencave në stadiumin “Fadil Vokrri”, ndërsa nga ora 19:00 do të zhvillohet stërvitja në stadiumin e kryeqytetit.

Kombëtarja e Kosovës renditet e treta në grupin B me katër pikë, pas Spanjës dhe Suedisë. Përballja e Kosovës dhe Spanjës do të zhvillohet të mërkurën në orën 20:45.