Në një litër naftë ka 100 lekë taksa, thotë eksperti i ekonomisë

Eksperti i ekonomisë, Mateo Spaho u shpreh për Euronews Albania se një litër naftë në Shqipëri ka 100 lekë taksa.

“Po të futemi tek llogaritë sesa tatohet nafta në Shqipëri, ajo tatohet mesatarisht nga 900 deri në 1000 lekë të vjetra”, u shpreh z. Spaho.

Ai theksoi se pas vitit 2013, çmimi i naftës është rritur me së paku 24 lekë.

“Në krahasim më Kosovën një litër naftë në Shqipëri kushton 300 deri në 350 lekë të vjetra më shumë”, shtoi ai.

Anëtari i Këshillit Kombëtar të PD-së nënvizoi se kjo parti do të çojë në Kuvend propozimin për të ulur çmimin e naftës.

“Ne do të propozojmë heqjen e 20 lekëshit të famshëm sa i përket tatimit të vendosur rishtas në vitin 2016 dhe më të edhe 40 lekshin e tatimit të shtuar”, propozoi ai.

LEXONI GJITHASHTU:

• Kosova furnizohet me naftë nga Shqipëria, por e shet më lirë se vendi ynë
• Shqipëria, ndër vendet me naftën më të shtrenjtë në rajon