Autoritetet nuk kontrollojnë 100% nivelin e stokut për të parandaluar rritjen e çmimit të naftës, thotë eksperti

Eksperti për politikat ekonomike dhe tregjet ndërkombëtare, Vjoldi Danaj u shpreh në Euronews Albania se nafta është produkti që ngarkohet gjithmonë me taksa në Shqipëri, për shkak të konsumit të lartë.

Ai theksoi se nëse do të krahasohemi me një vendet më të taksuara, Shqipëria renditet pas Italisë sa i përket produktit të naftës.

Eksperti shtoi se ne si shtet nuk mund ta kontrollojmë 100% nivelin e stokut, sidomos të karburantit për të parandaluar rritjen e çmimit të naftës.

Sipas tij, megjithëse në Shqipëri ka një institucion si Komisioni Rregullator që duhet të rregullojë çmimin, problemi është se asnjëherë nuk funksionon 100%.

Eksperti përmendi Maqedoninë e Veriut si vendin që përcakton çmimin e naftës dhe që ka vendosur një çmim tavan për naftën, mbi të cilin nuk mund të ketë ngritje.

“Autoritet në RMV i detyrojnë kompanitë që të kenë stok për tre muaj dhe sido që të luhaten çmimet në bursë për tre muaj kompanitë nuk duhet të ndryshojnë çmimet”, tha ai.

Ndërsa, Kushtrim Ramadani, ish-zëvendëskryetar i Komisionit Rregullator për Energjinë në Maqedoninë e Veriut sqaroi se çmimi përcaktohet herë pas herë nga institucionet në bazë të luhatjeve në bursë. Ai tha se më ketë çështje merret Inspektorati i Tregut.

Ramadani deklaroi se është kërcënuar nga kompani të ndryshme për çmimin e naftës, por tha se i ka bërë ballë këtyre presioneve.

LEXONI GJITHASHTU:

• Shqipëria, ndër vendet me naftën më të shtrenjtë në rajon
• Rritet çmimi i naftës në Shqipëri, ekspertët: Duhet të rishikohen taksat
• Rritet çmimi i karburanteve, nafta dhe benzina 5 lekë më shtrenjtë në tregun e pakicës