Në pranga 8 shoferë, 46 patenta të pezulluara nga policia në një ditë

Policia e Shtetit ka arrestuar 8 drejtues mjetesh dhe motomjetesh, nga të cilët, 2 për drejtim mjeti pa leje drejtimi dhe 6 për drejtim mjeti në gjendje të dehur.

Në vijim të kontrolleve për ndëshkimin e drejtuesve të mjeteve që shkelin rregullat e qarkullim policia ka pezulluar 46 patenta, nga të cilat 32 për shpejtësi mbi normat e lejuara dhe 14 për drejtim mjeti nën efektin e alkoolit apo në gjendje të dehur.

Gjithashtu, janë ndëshkuar me gjobë 967 drejtues mjetesh, për shkelje që sjellin pasoja në jetën dhe shëndetin e përdoruesve të rrugës.

Policia apelon drejtuesit e mjeteve, veçanërisht ata që udhëtojnë në akset rrugore drejt bregdetit që të që të respektojnë rregullat e qarkullimit rrugor, pasi në çdo rrugë ka radarë dhe policë rrugore të pajisur me dronë, dragera e kamera.