Gjashtë kandidatët që synojnë të zgjidhen anëtarë të KLGJ

Gjykata e Lartë shpalli sot zyrtarisht listën e kandidatëve, që plotësojnë kushtet ligjore për t’u zgjedhur anëtarë Këshillit të Lartë Gjyqësor. Në listë janë gjashtë kandidatë, të cilët kërkojnë të zgjidhen si pjesë e organit të KLGJ.

Nga Gjykata e Lartë:

• Asim Vokshi
• Klodian Kurushi

Nga Gjykatat e Apeleve:

• Vojsava Osmanaj- Gjykata e Apelit Shkodër
• Ridvan Hado- Gjykata e Apelit Tiranë

Nga Gjykatat e Rretheve Gjyqësore:

• Manjola Xhaxho- Gjykata e Rrethit Gjyqësor Tiranë
• Irena Plaku- Gjykata e Rrethit Gjyqësor Tiranë.

Këshilli i Lartë Gjyqësor është organ kolegjial, që përbëhet  nga 11 anëtarë, të cilët shërbejnë në detyrë me kohë të plotë.

Prej tyre, gjashtë anëtarë të Këshillit janë gjyqtarë që vijnë nga të gjitha nivelet e pushtetit gjyqësor.

Konkretisht 1 anëtar vjen nga Gjykata e Lartë, 2  nga Gjykatat e Apelit dhe 3 nga Gjykatat e Rretheve Gjyqësore.