A do goditet Shqipëria nga një valë tjetër e të nxehtit? Flet meteorologu

Meteorologu Akil Osmani zbuloi në një intervistë për Euronews Albania se si do të jetë moti për pjesën tjetër të mbetur të muajit gusht.

Ai tha se pritet që në ditët në vijim të kemi temperatura që do të shkojnë deri në 40 gradë celsius, kur vendi ynë të goditet nga vala e të nxehtit që ka prekur Europën.

Osmani nënvizoi se për pjesën e mbetur të muajit temperaturat do të variojnë nga 35 deri 36 gradë celsius.

“Gjatë pjesës tjetër të muajit gusht pritet të ketë temperatura të larta. Pritet që termometri të regjistrojë temperatura 35 dhe 36 gradë celsius. Do të kemi dhe ditë që do të kenë temperatura akoma më të larta. Në momentin që ne do të goditemi nga vala e të nxehtit, sigurisht që termometri do regjistrojë dhe 40 gradë celsius”- tha ai.

LEXONI GJITHASHTU:

• Java e kulturës, aktivitete në gjithë Shqipërinë për turistët dhe vendasit
• Nga e mërkura rriten temperaturat, parashikimi i motit për javën