A do ta fitojë PS-ja Shkodrën me largimin e Agron Çelës? Përgjigjet Ilir Meta

Kreu i Partisë së Lirisë, Ilir Meta komentoi largimin nga partia e tij, të Agron Çelës, i cili u bashkua me PS-në.

Në një dalje për mediat, Meta teksa u pyet nëse PS do e fitojë Shkodrën pasi dhe Çela iu bashkua kësaj partie, ai iu drejtua gazetarëve që të mos merren me lajme të vjetra.

Sipas tij Rilindja do të ketë zero Bashki në Shkodër.

“Mos u merrni me lajme të vjetra të një viti që ka ikur. Pavarësisht se të gjithë ishin bashkë në 6 mars, Sali Berisha i shqepi fare. Mos u merrni me lajme të vjetra, por me të reja. Askush nuk na shmang nga fitorja.

Në Tiranë, Elbasan e padyshim anë e mbanë Shqipërisë. Rilindja do ketë zero bashki për qarkun e Shkodrës, zero mundësi për të njollosur Shkodrën dhe shkodranët. E kanë shndërruar Shkodrën në një fshat të braktisur. Ia ka hequr të gjithë. Mori përgjigje në 6 mars, do të marrë akoma në 14 maj. Flamuri i Partisë së Lirisë do të vendoset akoma më lart, edhe dy kate më lartë”, tha Meta.

LEXONI GJITHASHTU: 

• Shkarkimet në PD, Meta: Manovër e Ramës, do të heqë vëmendjen nga skandalet e tij
• Meta: Borxhi i radhës prej 500 milionë euro do të rëndojë mbi qytetarët