A ka diskutuar me Metën për qeveri teknike në shtator? Përgjigjet Berisha

Kryetari i Partisë Demokratike, Sali Berisha deklaroi se nuk ka diskutuar me kreun e Partisë së Lirisë, për formimin e një qeverie teknike.

Në një deklaratë për mediat nga selia blu, Berisha u shpreh për “Euronews Albania”, se kryeministri Edi Rama duhet të largohet sa më parë.

“Ne nuk kemi diskutuar, por teza jonë është kjo. Edi Rama duhet të largohet një ditë e më parë. Pas largimit të kësaj qeverie, natyrisht detyra më thenelore është përgatitja e zgjedhjeve të lira dhe të ndershme. A do ngarkohet një qeveri teknike apo si do quhet ajo, kjo është diçka që do e vendosin forcat politike. Por largimi i Edi Ramës është një imperativ absolut”, theksoi Berisha.

Ditën e djeshme, Meta tha se në muajin shtator, kur dhe fillon sesioni i ri parlamentar, kjo forcë politike do të punojë për krijimin e një qeverie teknike.

Ish-presidenti nënvizoi se duhet t’i dilet për zot çështjes së negociatave, pasi sipas tij, me qeverinë aktuale nuk mund të ketë hapa para në këtë proces.

LEXONI GJITHASHTU

• Berisha akuza Ramës dhe Ballukut: Rruga Qukës-Qafë Plloç po kushton 225 mln euro
• Meta: Në shtator do punojmë për krijimin e një qeverie teknike