A mbaroi pandemia e Covid-19? Flet shefja e programit të vaksinimit në Shqipëri

Rovena Daja, shefe e programit të vaksinimit në ISHP, tha se situata e pandemisë në vendin tonë është e qetë, por mund të ketë rritje të rasteve të reja në vjeshtë.

E ftuar në emisionin “SOT” në Euronews Albania, Daja bëri me dije se pas mesit të tetorit në vendin tonë do të mbërrijnë doza të tjera të vaksinës kundër Covid-19 si dhe vaksina për grip.

Ajo theksoi se është e rekomandueshme që të bëhet dhe doza e tretë e vaksinës.

“Presim edhe 600 e ca mijë doza të tjera që vijnë pas mesit të tetorit. Vaksinat që do vijnë rekomandohen për personat që kanë bërë dozën e parë dhe të dytë, të bëjnë dozën e tretë.  Ndërkohë pas datës 15 tetor do të vijë dhe vaksina e gripit që do të jetë një vaksinë që do të jepet falas për personelin shëndetësor, për grupet e riskut, ato me sëmundje shoqëruese.  Shpresoj se vjeshta do të çojë në vullnetin e njerëzve për të bërë një dozë tjetër”- tha ajo.

LEXONI GJITHASHTU:

• Covid-19 në vend, 114 raste të reja e asnjë viktimë në 24-orët e fundit