A ndikuan legalizimet në zgjedhje? Në tre muajt e parë të 2021 u shpërndanë mbi 6 mijë leje
Pak ditë pas zgjedhjeve parlamentare të 25 prillit, numri dy i Partisë Demokratike Gazment Bardhi përmes një denoncimi akuzoi ministren Belinda Balluku si të përfshirë në skemën e blerjes së votave në këmbim të legalizimit të banesave.
“Kjo që shikoni është grupi i Whatsapp i hapur me urdhër të Belinda Ballukut dhe drejtuar nga Këshilltarja e saj në Kabinetin e Ministrit Laureta Omeri. Përmes këtij personi, Belinda Balluku ekzekuton skemën e blerjes së votave, duke legalizuar banesa në këmbim të votave”, shprehej Bardhi.
Nisur nga kjo deklaratë, Euronews Albania i kërkoi Agjencisë Shtetërore të Kadastrës informacion mbi numrin e objekteve të legalizuara në të gjithë vendin.
Nga përgjigja mësohet se nga janari në mars të këtij viti, vetëm pak para zgjedhjeve parlamentare të 25 prillit në vendin tonë u legalizuan 6 315 objekte*.
Kjo është mesatare e lartë, por jo me e larta e kësaj qeverie. Në vitin 2016, numri i legalizimeve arriti rekordin me 48 351 objekte të legalizuara, teksa vetë kryeministri Rama e vuri këtë proces në pararojën e zgjedhjeve të 2017-ës.
Ndikimi tek vota, përmes lëshimit të lejeve të legalizimit nënvizohet edhe në raportin paraprak për zgjedhjet e 25 prillit të Misionit Ndërkombëtar të Vëzhgimit të Zgjedhjeve të OSBE-OHDIR-it ku thuhet:
“MKVZ-ja e ODIHR-it mori edhe raportime për përpjekje të bëra për ndikim të votës përmes ofrimit të stimujve. Këtu futet edhe lëshimi i lejeve për legalizim.”
Në këtë raport citohet dhe vendimi i Komisionit Qendror të Zgjedhjeve, që parashikonte se katër muajt para ditës së zgjedhjeve, aktivitetet e ndaluara përfshinin shpërndarjen e lejeve të legalizimit, regjistrimin e titujve të pronësisë, përdorimin në fushatën zgjedhore të burimeve të administratës shtetërore qendrore dhe lokale .
Strategjia e legalizimeve masive me efekt elektoral ka qenë jo vetëm pjesë e zgjedhjeve qendrore por edhe atyre lokale.
Edhe në raportin e vitit 2015 ODHIR përcolli të njëjtin shqetësim: “Një numër personalitetesh të larta nga partitë e mëdha qeverisëse përdorën aktivitetet dhe burimet shtetërore për qëllimet e fushatës, duke përfshirë shpërndarjen e certifikatave për legalizimin e pasurisë, e cila mjegulloi ndarjen midis shtetit dhe partisë”.
Në total nga viti 2006, deri në mars 2021 janë legalizuar 209 757 objekte. Kësaj shifre i shtohen dhe 12 000 apartamenti apo njësi shërbimi të legalizuara përmes VKM 19/2017 për legalizimin e pallateve të braktisura.
*Shifër e korrigjuar nga 10,003 raportuar fillimisht nga Agjencia Shtetërore e Kadastrës, e cila kontaktoi redaksinë e Euronews Albania pas transmetimit të kronikës dhe kërkoi rishikimin e saj “pas një gabimi në mbledhjen e të dhënave”.
Vrasja e 74-vjeçarit në Kavajë, zbardhen detaje të reja nga konflikti mes dy vëllezërve
“Mos e çoni as ndërmend të jepni dorëheqjen”/ Rama publikon mesazhin e qytetarit: Nuk ka forcë që na ndal
Plagosje me thikë në Sukth, daja dyshohet se plagosi nipin
- 09:05 Çmimet e konsumit në mbarë Evropën, cilat vende janë më të shtrenjtat dhe më të lirat?
- 09:05 Garda Revolucionare paralajmëron anijet: Do marrim masa nëse kaloni pa leje në Ngushticën e Hormuzit
- 08:54 Trump reagon për Andy Burnham: Kam dëgjuar se është jashtëzakonisht liberal
- 08:50 Zvicra mposht Kanadanë 2-1, kualifikohet si kryesuese e Grupit B
- 08:45 Helmohen disa studentë në Akademinë e Sigurisë, nisin hetimet
- 08:44 Tërmetet dëmtojnë rrjetin e internetit në Venezuelë, shpallet gjendja e jashtëzakonshme