A u shkel Kushtetuta për çështjen Berisha? E sqaron avokati Arbër Hoxha

Avokati Arbër Hoxha tha në një intervistë për Euronews Albania se deputeti i Kuvendit të Shqipërisë nuk mund të arrestohet, ndalohet apo të caktohet çdo masë sigurimi dhe as nuk mund të kryhet procedim penal nëse nuk merret miratimi paraprak i Kuvendit.

Ky koment u bë në vazhdën e debatit nëse për Sali Berishën është shkelur Kushtetuta apo jo.

“Nga vitit 2012 deri në vitin 2016 ka ndryshuar Kushtetuta ku deputetët e Kuvendit të Shqipërisë mund të merreshin në procedim penal pa pasur nevojën e autorizimit të Kuvendit, por sigurisht çdo masë tjetër sigurie duhej të merrej autorizimi i Kuvendit. Përfundimisht, në vitin 2016, me ligjin për reformën në drejtësi, neni 73 i Kushtetutës ka ndryshuar në këtë formë, që kërkohet autorizimi i Kuvendit vetëm në rastet e arrestit me burg, arrestit të shtëpisë, kontrollit personal dhe kontrollit të banesës. Në bazën për zbatim të Kushtetutës kanë dalë neni 288 dhe 289 i Kodit të Procedurës Penale, madje neni 289 i Kodit të Procedurës Penale është shterues dhe ezaurues, që do të thotë, në rastet kur Prokuroria i drejtohet Kuvendit për të dhënë autorizim për caktimin e një mase sigurie, arrest me burg ose arrest shtëpie dhe Kuvendi nuk e jep, prokurori i çështjes mund t’i drejtohet gjykatës për caktimin e çdo mase tjetër sigurimi. Në rastin e zotit Berisha, kushtetuta nuk është shkelur dhe është zbatuar ligji procedurial shqiptar,” – u shpreh Hoxha.

LEXONI GJITHASHTU:

• “Jo vetëm Berisha”, gazetari zbulon emrin: Ky politikan i lartë mund të arrestohet
• “Berisha duhet të paraqitet para drejtësisë”, Zeka: SPAK nuk njeh kompromise