A u shua përplasja me Erion Veliajn? Flet Armand Duka

Presidenti i Federatës Shqiptare të Futbollit, Armand Duka thotë se nuk ka përplasje me asnjë politikan në vend.

Në një intervistë për “Euronews Albania”, pyetur për përplasjen me kryebashiakun Erion Veliaj, Duka tha se ai është i përqëndruar te zhvillimi i futboillit dhe sportit në tërësi.

Sipas tij, Veliaj duhet të jetë i shqetësuar, sepse Tirana ka mungesa të fushave sportive.

“Unë personalisht nuk kam përplasje me asnjë. Unë jam në drejtim të Federatës së Futbollit dhe bëj më të mirën. Mendoj për zhvillimin e futbollit në Shqipëri. Vazhdoj të bëj këtë punë dhe nëse kjo punë i bën hije dikujt vjen dhe përplaset me hijen. Unë nuk shkoj për fushatë, por për të bërë suksese dhe punë e mia. Punët e fubollit, për fatkeqësinë e tyre apo për fatkqeësinë tonë, kanë pasur rezultate të mira.

Nga ana ime, unë kam marëdhëie të mira me të gjithë mediat, futbollistë, politikanë të PS, PD, PL, sporti ka nevojë për të gjithë. Unë uroj të jetë kryetari i Bashkisë i Tiranës të jetë i shqetësuar sepse kemi shumë mungesë inventari të fushave sportive në Tiranë. Uroj që gjatë 3 mandateve, Erion Veliaj të bëjë vetëm një fushë futbolli”, theksoi ai.

LEXONI GJITHASHTU

• Një shqiptar për sfidën Inter-Bayern, Jareci: Kur shkel në fushë, s’je më tifoz
• Mbyllet merkatoja e futbollistëve, cilat janë ekipet me blerjet më të mira