AAPSK merr nën administrim kontenierët me mbetje të rrezikshme

Agjencia e Administrimit të Pasurive të Sekuestruara dhe Konfiskuara ka marrë në Administrim 102 Kontenierët me lëndë të rrezikshme, të cilët u rikthyen në Shqipëri përmes anijes “Moliva”.

Sipas AAPSK, ky proces është realizuar përmes një plani të detajuar masash, në përputhje me urdhrin e Prokurorisë së Durrësit për zbarkimin dhe ruajtjen e kontenierëve në një vend të sigurt, larg zonave të banuara dhe me respektimin rigoroz të kushteve të sigurisë fizike, mjedisore dhe shëndetësore.

Në këtë operacion janë përfshirë një sërë institucioneve, ku, përveç punonjësve të AAPSK-së, kanë marrë pjesë Drejtoria Vendore e Policisë Durrës, Drejtoria e Kufirit dhe Migracionit, Autoriteti Portual Durrës, Kapiteneria e Portit Durrës, Dogana Durrës, Drejtoria e Hetimit Doganor dhe Prokuroria e Durrësit.

Pas shkarkimit, kontenierët janë transportuar në destinacionin final, në zonën e Porto Romanos, për ruajtje dhe administrim nga Agjencia e Administrimit të Pasurive të Sekuestruara dhe Konfiskuara, duke u mbajtur nën monitorim të vazhdueshëm.

AAPSK thekson se do veprim ka qenë i dokumentuar dhe kontenierët janë skanuar, kontrolluar dhe verifikuar për të siguruar që janë të paprekur dhe në përputhje me standardet e sigurisë.

LEXONI GJITHASHTU:

• Shehaj i jep Hoxhës urdhrin për mbetjet: Pse s’e zbaton? Përgjigjet ministri
• Minatorët e Valiasit çuan në rrëzimin e Nanos, Xhafo: Çfarë do arrijë Berisha