“Minatorët e Valiasit çuan në rrëzimin e Nanos”, Xhafo: Çfarë do arrijë Berisha

Gazetari Endri Xhafo në një intervistë për emisionin “Now me Erla Mwhillin” në Euronews Albania ka komentuar protestën e ditës së sotme para kryeministrisë.

Sipas tij protesta ishte një nevojë për t’i treguar mazhorancës se opozita është bashkë.

Më tej ai theksoi se përveç protestës së vitit 1991 asnjë protestë tjetër nuk e ka rrëzuar qeverinë.

“Protesta në këtë vend ishte ajo në qershor në vitin ’91 që ishin protesta politike që filluan nga greva e minatorëve të Valiasit, më pas kaluan në greva të përgjithshme dhe më pas rrëzuan qeverinë e Fatos Nanos.

Protestat tjera nuk kanë çuar në përmbysjen e regjimit. Protestat në gjykimin tim, kanë pasur qëllime të ndryshme duke i vendosur në një kontekst të caktuar politik. Protesta e 21 janarit ishte nevojë e Edi Ramës, për t’i thënë Sali Berishës më merr seriozisht se unë të vë dhe flakën. Kjo protestë ishte një nevojë për të treguar se ne jemi bashkë. Berisha në fjalën e tij më pas tha, në momentin kur fitohet besimi askush nuk mund ta marrë më fitoren”-tha ai.

LEXONI GJITHASHTU: 

• Bardhi pas protestës: Bashkimi i sotëm na jep kurajo për të forcuar opozitën
• Erdogan në konferencë me Ramën: Do bashkëpunojmë me Shqipërinë në fushën e mbrojtjes