Abuzime me tenderin e komisariatit, nën arrest 14 punonjës policie

Katërmbëdhjetë punonjës të policisë së Shkodrës janë arrestuar për shpërdorim detyre nga Drejtoria vendore e policisë së këtij qyteti.

Ata akuzohen në lidhje me tenderin për rikonstruksionin e komisariatit të policisë në Malësi të Madhe, të disa viteve më parë.

Shtatë prej tyre ndodhen momentalisht të ndaluar në komisariatin e policisë së Shkodrës ndërsa dy të tjerë janë në arrest shtëpie.

Ndër të arrestuarit është dhe një drejtues i lartë i policisë së Shkodrës më parë, Sajmir Rrustemi i cili kohën e fundit ishte i transferuar në komisariatin e Dibrës.

LEXONI GJITHASHTU

• Tenderat, Fondi Shqiptar i Zhvillimit i rrezikon buxhetit 10 milionë euro dëm
• ‘700 mijë euro’, policia hap tenderin për blerje pistoletash dhe automatikësh