Abuzimi me 1,2 mln euro, lirohet sekretari i përgjithshëm i Ministrisë së Financave

Gjykata e Apelit ka zbutur masën e sigurisë ndaj sekretarit të përgjithshëm të Ministrisë së Financave, Arlind Gjokutaj, Fatmir Hoxhës dhe Alban Rulit të arrestuar pak kohë më parë me akuzën e shpërdorimit të detyrës.

Arta Marku, prokurorja e çështjes në ngarkim të të pandehurve kërkoi në Gjykatën e Apelit të Juridiksionit të Përgjithshëm arrest shtëpie ndaj tyre, vendim që u miratua nga gjykata.

Arrestimet erdhën pas hetimeve ndaj shtetasit Ilir Thana i cili akuzohet për mashtrim, ndërkohë hetimet kishin nisur edhe për zyrtarë të zyrës përmbarimore dhe Ministrisë së Financave të cilët me veprimet e bëra në kundërshtim me ligjin kanë shkaktuar një dëm ndaj buxhetit të shtetit që raportohet se kap shifrën e 1.2 milionë eurove.

Bëhet fjalë për një veprim të kryer nga ana e tyre në shtator 2022 kur ata vendosën të kompensojnë një qytetar për një godinë që ishte kompensuar më herët.

Shuma prej 480 milionë lekësh të vjetra  që iu kalua shtetasit Ilir Thana vlerësohet si një vjedhje në Buxhetin e Shtetit.

LEXONI GJITHASHTU:

• Abuzimi 1.2 mln euro te Financat, lihet në burg Gjokutaj dhe dy drejtorët
• Kush është Arlind Gjokutaj, zyrtari i lartë i Financave që u arrestua