Policia e Tiranës ka arrestuar dy adoleshentë të cilët kanë kundërshtuar dhe kanë kanosur dy efektivë për shkak të detyrës.

Në pranga kanë përfunduar shtetasit E . G., 19 vjeç dhe K. A., 18 vjeç, të cilëve gjatë kontrollit në mjetin me të cilin po lëviznin dhe në banesën e 19-vjeçarit janë gjetur dy mjete prerëse tip thikë.

Materialet në ngarkim të adoleshentëve i kaluan Prokurorisë për veprime të mëtejshme.

“Specialistët për Hetimin e Krimeve të Komisariatit të Policisë Nr. 6 arrestuan shtetasit E. G., 19 vjeç dhe K. A., 18 vjeç, të dy banues në Tiranë, pasi kanë kundërshtuar dhe kanosur për shkak të detyrës, dy punonjës policie. Gjatë kontrollit në automjetin me të cilin qarkullonin këta shtetas dhe kontrollit të banesës së shtetasit E. G., shërbimet e Policisë gjetën dhe sekuestruan, në cilësinë e provës materiale, 2 mjete prerëse”, njofton policia.

LEXONI GJITHASHTU:

• Sapo u lirua nga amnistia, i riu nuk harron “zakonin”, vjedh makinën në Korçë
• Shqyen dritaren dhe vjedh dyqanin në Vlorë, arrestohet 29-vjeçari