AFP: Franca nuk do t’i shesë avionë luftarakë Serbisë, pret konfirmime

Kontrata mes Serbisë dhe Francës për blerjen e avionëve luftarakë mund të mos nënshkruhet. Agjencia AFP thotë se kompania që prodhon avionë ‘Dassault Aviation’ po refuzon të diskutojë për një shitje të mundshme të avionëve në Serbi.

Sipas medias franceze, kompania do të marrë konfirmimin e qeverisë për zhvillimet politike në Serbi, para se të nënshkruajë kontratën.

Pak ditë më parë, presidenti serb Aleksandër Vuçiç deklaroi se do të blinde 12 avionë të markës, “Rafale”, të cilët cilësohen si avionët më të mirë luftarakë francezë. Blerja e tyre mund të kushtojë mbi 3 miliardë euro.

Ndërkohë në Serbi kjo blerje u cilësua si afrim me NATO-në dhe kritikët aleancës e cilësuan vendim të gabuar.

Serbia ka blerë gjatë viteve të fundit një numër të konsiderueshëm armatimesh nga Rusia, Kina dhe Irani. Kjo aleancë e Serbisë me vendet jo miqësore me NATO-n ka rritur pikëpyetjet brenda BE për mbështetjen që po i jepet Serbisë.

LEXONI GJITHASHTU:

• Serbia blen avionë nga Franca, Vuçiç: Jemi pranë marrëveshjes, e diskutova me Macron
• Kosova dhe Serbia pa marrëveshje për dinarin në Bruksel