Afrika e Jugut shpall helmimin nga ushqimi fatkeqësi kombëtare, 22 fëmijë vdiqën

Afrika e Jugut e ka shpallur helmimin nga ushqimi një fatkeqësi kombëtare, pasi të paktën 22 fëmijë vdiqën dhe qindra të tjerë u sëmurën në të gjithë vendin.

Disa raste të helmimit kanë qenë të lidhura me ushqimin e blerë nga dyqanet në lagjet e varfra dhe raportet tregojnë se disa nga produktet përmbanin gjurmë të kimikateve të përdorura në insekticide, raportoi Bloomberg.

Presidenti i Afrikës së Jugut, Cyril Ramaphosa, zbuloi javën e kaluar një plan për të hequr ato pesticide të dëmshme nga rrugët dhe dyqanet, duke urdhëruar të gjitha dyqanet dhe institucionet që shesin ushqime të regjistrohen në komunat e tyre brenda 21 ditëve.

LEXONI GJITHASHTU:

• 17 të vrarë nga të shtënat masive në Afrikën e Jugut
• Spanja kërkon t’i bashkohet Afrikës së Jugut në rastin gjyqësor kundër Izraelit