Agravon sherri në Sarandë, plagoset me thikë një person! Në kërkim autori

Një plagosje me thikë ka ndodhur ditën e sotme në qytetin e Sarandës, ku ka mbetur i plagosur një person.

Sipas raportimeve të policisë, plagosja ka ardhur si shkak i një konflikti për motive të dobëta midis një 37-vjeçari, autori i plagosjes, dhe një 26-vjeçari, i cili ndodhet jashtë rrezikut për jetën.

 “Specialistë referuan materialet në Prokurori dhe shpallën në kërkim shtetasin E. A., 37 vjeç, banues në Sarandë, pasi dyshohet se ka goditur me thikë, shtetasin E. D., 26 vjeç, banues në Sarandë, për motive të dobëta. 26-vjeçari mori mjekim dhe është jashtë rrezikut për jetën. Punohet për kapjen e 37-vjeçarit dhe për zbardhjen e rrethanave të rastit”, thuhet në njoftimin e policisë.

Materialet procedurale iu referuan prokurorive kompetente, për veprime të mëtejshme.