Agron Kapllanaj: Paradoksale të thuash që PD mund të rithemelohet me Berishën apo Pollon

Kryetari i komanduar i PD në Fier, Agron Kapllanaj deklaroi për emisionin “Mirëmëngjes” në Euronews Albania se referendumi për shkarkimin e Lulzim Bashës është anti-statuor.

Z. Kapllanaj nënvizoi se nuk po krijohet një përçarje e PD me zhvillimet e fundit, por sipas tij është një përçarje elitash.

“Është elita e shkruarës që nuk do ta lëshojë që është në pakicë. Do të vazhdojë përtej 30 viteve. Pjesa tjetër është elita e  re, e cila do të vazhdojë para dhe të ndahet nga e shkuara”, tha ai.

Z. Kapllanaj theksoi se PD gjatë këtyre viteve ka pasur edhe funksionarë që nuk kanë punuar mirë dhe i kanë bërë dëme këtij shtetit.

“Për hir të vërtetës PD në këto 30 vite ka arritje të mëdha, por dhe ne kemi bërë gabimet tona dhe nga ato gabime duhet të mësojmë. Kemi pasur njerëz, funksionarë të PD-së  që ka kanë punuar shumë mirë. Kemi pasur edhe atë pjesë të zyrtarëve që nuk kanë punuar mirë dhe i kanë bërën këtij vendi”, u shpreh ai.

Ai shtoi se është paradoksale të thuash që PD mund të rithemelohet me Sali Berishën apo Genc Pollon.

“Nuk mendoj që Basha i përket elitës së vjetër”, përfundoi ai.