Deputeti i Partisë Demokratike, Agron Shehaj deklaroi se sipas hetimit në SHBA, kryeministri Edi Rama ka përdorur fshehurazi zyrtarin e FBI-së, Charles McGonigal, i cili ishte në detyrë, për të eleminuar opozitën.

Në emisionin “Now” në Euronews Albania, Shehaj u shpreh se mjafton ky fakt që Rama të japë dorëheqjen.

“Çfarë del nga hetimi që ka bërë FBI-ja? Del që kryeministri i Shqipërisë ka përdorur agjentin e FBI-së, në detyrë, për të sulmuar dhe për të eleminuar opozitën. Agjenti shqiptar mori informacion nga zyra e kryeministrit.

Praktikisht, kryeministri ka përdorur një zyrtar të lartë të FBI-së, fshehurazi, për të eleminuar opozitën. Në një vend demokratik, mjafton kaq që kryeministri të japë dorëheqjen, e jo më të japë llogari në parlament”, theksoi ai.

LEXONI GJITHASHTU

• Zv.kryetarja e Kuvendit: Ja arsyeja pse Rama nuk ishte në seancë për interpelancë
• Të pathënat e çështjes “McGonigal”, kryeministri Edi Rama flet sonte në “Now”
• ‘Nuk do pranojmë të na përjashtojnë’, Berisha: PD-ja do t’i fitojë zgjedhjet