Zv.kryetarja e Kuvendit: Ja arsyeja pse Rama nuk ishte në seancë për interpelancë

Zëvendëskryetarja e Kuvendit, Ermonela Felaj deklaroi se kryeministri Edi Rama nuk u paraqit këtë të enjte në seancën plenare, në interpelancën për çështjen “McGonigal”, pasi deputetët e opozitës nuk ishin të interesuar për të marrë përgjigje, por për të krijuar kaos.

Në emisionin “Now” në Euronews Albania, Felaj u shpreh se në bazë të kushtetutës dhe rregullores, Rama mund të delegojë ministra për interpelancën.

“Interpelanca ishte urgjente dhe për këtë shkak, sipas rregullores je i detyruar që ta vendosësh si pikë të parë në rendin e ditës. Deputetët e Grupit Parlamentar të Partisë Demokratike kishin bërë një kërkesë dhe kësaj kërkesë ka detyrim t’i përgjigjet kryeminsitri, i cili në bazë të kushtetutës dhe rregullores, ka të drejtë të delegojë ministra për ta mbajtur këtë interpelancë.

A ishin seriozë deputetët? Deputetët që bënë kërkesën nuk kishin interes për të marrë përgjigje. Kishin një interes, por për të bllokuar foltoren dhe për të bërë kaos. Ky ishte interesi”, theksoi ajo.

LEXONI GJITHASHTU

• Të pathënat e çështjes “McGonigal”, kryeministri Edi Rama flet sonte në “Now”
• ‘Nuk do pranojmë të na përjashtojnë’, Berisha: PD-ja do t’i fitojë zgjedhjet
• Paralajmërimi i Berishës: Do ketë protesta të vazhdueshme para dhe pas 11 shkurtit