Ajeti e Asllani analizojnë europianin: Euro 2024 një emocion i veçantë

Kombëtarja shqiptare ka nisur përgatitjet në prag të dy miqësoreve të muajit qershor ndaj Lihtenshtejnit dhe Azerbajxhanit, ndërsa pjesa më e madhe e lojtarëve kanë mbërritur.

Në shtëpinë e futbollit, trajneri Sylvinho ka drejtuar seancat e para stërvitore, ndërsa dy prej lojtarëve, mesfushori Asllani dhe mbrojtësi Ajeti kanë analizuar kampionatin evropian.

“Është një emocion i madh sa herë të thërret Kombëtarja shqiptare. Do shkojmë me shumë dëshirë për të luajtur ndeshjet, janë shumë të bukura. Dua ta luaj ndeshjen me Italinë, kam shumë shokë dhe pastaj kam jetuar në Itali. Kjo është një ndeshje e veçantë për mua”, tha Kristjan Asllani, mesfushor i Kombëtares shqiptare.

Në anën tjetër, mbrojtësi Arlind Ajeti këtë e ka europianin e dytë me fanellën kuqezi.

“Europiani është diçka shumë e veçantë dhe mezi presim që të fillojë. Kemi shumë lojtarë me cilësi dhe pothuajse të gjithë luajnë në ekipe të mëdha. Kjo mendoj që është diferenca nga viti 2016”, tha Arlind Ajeti, mbrojtës i Kombëtares shqiptare.

Kujtojmë se pak ditë më parë, Sylvinho publikoi lsitën me lojtarët e grumbulluar, ndërsa më 3 dhe 7 mars luan dy miqësoret ndaj Lihtenshtejnit dhe Azerbajxhanit.

LEXONI GJITHASHTU:

• Silvinjo prezanton listën e Shqipërisë në Euro 2024, mungesat dhe prurjet e reja
• Cilët janë yjet e futbollit që nuk do të jenë pjesë e Euro 2024