“Ajo ëndërronte nipër, ai e vrau”- Flet shoqja e gruas që u qëllua nga i biri

Një grua e moshuar e moshës 71-vjeçare është gjetur e vrarë me armë zjarri në afërsi të një parku në Chalkidona të Selanikut. I dyshuari kryesor, i cili është shpallur në kërkim në lidhje me vrasjen, është i biri.

Një mikeshë e ngushtë e viktimës ka dëshmuar pas ngjarjes duke thënë se dëshira më e madhe e 71-vjeçares ishte që fëmija i saj i vetëm të martohej, të krijonte familje dhe të gëzonte nipërit e mbesat.

Siç thotë zonja Kyriaki, shoqja e saj e ndjerë ishte një grua shumë e mirë, e cila e donte shumë fëmijën e saj  pasi e lindi në moshë të vonë dhe ishte djali i saj i vetëm.

Dyshohet se i riu i ka drejtuar pushkën në kokë nënës së tij dhe ka tërhequr këmbëzën, me pasojë vdekjen e menjëhershme të 71-vjeçares. Ajo u gjet e pajetë mesditën e së martës, në sediljen e pasagjerit të makinës së parkuar pas godinës së Drejtorisë së Bujqësisë, me kafkën e shpërbërë.

Hetimi po fokusohet në shtëpinë e 34-vjeçarit me qenë të trajnuar posaçërisht për të njohur aromat në mënyrë që më pas të lokalizohet autori.

Punonjësit e policisë së bashku me “zagarin” me emrin “Don” kanë shkuar në vendin ku 34-vjeçari ka lënë veturën me nënën e vdekur në sediljen e pasagjerit dhe kanë hapur rrezen e kërkimeve për të lokalizuar të akuzuarin.

LEXONI GJITHASHTU:

• Djali vrau me plumb në kokë nënën në Greqi, fqinjët: Të shokuar! Nuk janë zënë kurrë
• Vrau të dashurën ditën e Shën Valentinit, sportistit i mohohet lirimi me kusht