Akademikët e mbledhur në Beograd kërkojnë shkrirjen e NATO-s

Presidenti i Serbisë, Aleksandër Vuçiç, vazhdon që ruajë misterin e deklaratës së bërë dy ditë më parë, ku tha se gjatë 48-orëve të fundit ka marrë lajme të këqija për Serbinë dhe rajonin. Vuçiç tha se do të flasë për këto zhvillime gjatë 48-orëve të ardhshme.

“Kam parë çdo deklaratë dhe nuk mund të komentoj. Por do të flas brenda 48 orëve”, u shpreh ai duke nënvizuar se Serbinë e presin edhe më shumë ditë të vështira.

Kjo vjen në një kohë kur në Beograd u përmbyll ajo që u konsiderua një konferencë me mbi 100 akademikë nga bota, të cilët bashkë me ministrin e Mbrojtjes të Serbisë firmosën një deklaratë të rrezikshme.

Në dokument kërkohet shpërbërja e plotë e NATO-s, largimi i të gjitha bazave amerikane nga Europa, bashkë me armët bërthamore, një linjë kjo e ngjashme me atë të Rusisë.

“Bota është në buzë të një humnerë”, lexohet në deklaratë, që në fakt është një tjetër mjet  i propagandës ruso-serbe.

Ndërkohë, Beogradi ka pranuar edhe njëherë dështimin për mbajtjen e seancës në këshillin e sigurimit të OKB-së për bombardimet e NATO-s në Jugosllavi që ndaluan spastrimin etnik serb në Kosovë.

LEXONI GJITHASHTU:

• Vulin: Do na shkatërrojnë, Serbia do shpallet shtet gjenocidal! Dodik do arrestohet
• Kosova “viktimë” e përplasjes greke, Tsipras abstenoi propozimin e Bakoyannis në KiE
• Miratohet raporti për anëtarësimin e Kosovës në Këshillin e Europës