Aknimimi i PD-së kundër Berishës, caktohen gjyqtarët në Kolegjin Zgjedhor

Gjykata Administrative e Apelit Tiranë, për llogari të Kolegjit Zgjedhor Gjyqësor, ka hedhur këtë të mërkurë shortin publik për përcaktimin e përbërjes së Kolegjit Zgjedhor Gjyqësor që do të shqyrtojë ankimimin e PD-së kundër regjistrimit në zgjedhje të koalicionit “Bashkë Fitojmë”.

Gjyqtarët që do të shqyrtojnë ankimimin janë:

1. Sokol Ibi (Relator);
2. Manjola Xhaxho (Anëtare);
3. Edlira Petri (Anëtare);
4. Esmeralda Xhili (Anëtare);
5. Alma Kolgjoka (Anëtare).

Ankimi i PD-së me kryetar të komandudar Enkelejd Alibeajn është bërë nën argumentat se marrëveshja e koalicionit përmban referenca të Partisë Demokratike, në kushtet kur kjo forcë politike apo kryetari i saj, nuk kanë shprehur vullnetin për të marrë pjesë në këtë koalicion.

Në konkluzionin e paraqitur nga përfaqësuesi ligjor i PD-së, Indrit Sefa, thuhet se marrëveshjes  i mungon elementi për përcaktimin e kandidatëve nga secila parti politike.

OBJEKTI: Shfuqizimi i vendimit nr.31, datë 21.03.2023 të KAS “Për mospranimin për shqyrtim të kërkesës ankimore nr. 37, datë 21.03.2023 të depozituar nga “Partia Demokratike e Shqipërisë”.

Shfuqizimi i vendimit nr. 178, datë 18.03.2023 të Komisionerit Shtetëror të Zgjedhjeve “Për shqyrtimin e kërkesës për regjistrimin e koalicionit “Bashkë Fitojmë”, (BF) për zgjedhjet për organet e qeverisjes vendore të datës 14 Maj 2023”.

Plotësimin e të metave nga ana e kërkuesit Partia e Lirisë duke ndryshuar Marrëveshjen e Koalicionit duke hequr Partinë Demokratike e Shqipërisë nga referimi në këtë dokument.

LEXO GJITHASHTU:

• PD ankimon në KAS regjistrimin e koalicionit “Bashkë Fitojmë”
• 8 mijë fidanë kanabis brenda kraterit në Shkodër, pranga “bosit” të drogës