Aksident fatal në aksin Durrës-Rrogozhinë, humb jetën një këmbësor

Një aksident me pasojë vdekjen ka ndodhur në orët e para të mëngjesit të kësaj të hëne në aksin rrugor Durrës-Rrogozhinë.

Sipas njoftimit të Policisë, të hënën rreth orës 09:30, automjeti me drejtues shtetasin M. I. ka përplasur një këmbësor ende të paidentifikuar, i cili si pasojë ka humbur jetën.

Shoferi M. I. është shoqëruar në ambientet e Policisë për kryerjen e veprimeve procedurale të mëtejshme ndërsa vijon puna për të identifikuar viktimën dhe për të sqaruar dhe dokumentuar rrethanat e aksidentit.

Materialet procedurale i janë referuar Prokurorisë së Durrësit për veprime të mëtejshme.

“Specialistët e Sektorit të Policisë Rrugore arrestuan në flagrancë shtetasin M. I., 66 vjeç, banues në Lushnjë, pasi të hënën, rreth orës 09:30, në aksin rrugor “Durrës-Rrogozhinë”, dyshohet se aksidentoi shtetasin E. Gj., 72 vjeç, i cili humbi jetën në spital”, njofton policia.