Aksident i rëndë në aksin Elbasan-Peqin, automjeti përplaset me kamionin! Plagosen një grua dhe një fëmijë

Një aksident i rëndë rrugor është regjistruar mëngjesin e kësaj të premteje në aksin Elbasan-Peqin, në afërsi të fshatit Pajovë, ku një automjet është përplasur me një kamion.

Sipas informacioneve paraprake, nga përplasja kanë mbetur të plagosur rëndë drejtuesja e automjetit dhe një fëmijë që udhëtonte me të. Të dy janë transportuar me urgjencë drejt spitalit, ku po marrin ndihmën mjekësore.

Ndërsa zjarrfiksia e Peqinit po bën pastrimin e vendit të ngjarjes. Deri tani nuk ka një njoftim zyrtar nga policia mbi shkaqet dhe rrethanat e aksidentit, ndërsa hetimet vijojnë për zbardhjen e plotë të ngjarjes.