Aksident i rëndë në Durrës, humb jetën 15-vjeçarja

Një vajzë 15-vjeçare ka humbur jetën në një aksident rrugor të ndodhur në Durrës mbrëmjen e së mërkurës.

Në aksident është përfshirë një mjet “Volkswagen Touareg”, që ka goditur nga pas një tjetër mjet tip “Benz”.

Nga përplasja e fortë e makinave janë thyer dy shtylla elektrike që ndodheshin anë rrugës dhe më pas mjeti “Benz” ka goditur dy vajza që po ecnin në trotuar.

Përplasja ka rezultuar fatale për njërën, 15 vjeç, e cila ka ndërruar jetë.

Policia ka ndaluar drejtuesin e makinës “Tuareg”, Izmir Luan Kusi nga Sukthi, i cili njihet si person problematik.