Aksident i rëndë në Gjirokastër: Ambulanca përplaset me një automjet, tre të lënduar

Një aksident i rëndë rrugor është regjistruar paraditen e sotme në hyrje të qytetit të Gjirokastrës, në vendin e njohur si kthesa e Kardhiqit.

Ngjarja ka ndodhur kur një mjet ambulancë që po transportonte një pacient nga Tepelena drejt spitalit rajonal të Gjirokastrës është përplasur me një automjet të vogël që udhëtonte në drejtim të kundërt. Si pasojë e përplasjes, janë lënduar tre persona, pacienti që ndodhej në ambulancë dhe dy persona të tjerë që ishin në automjetin tjetër.

Burime konfirmojnë se të lënduarit janë jashtë rrezikut për jetën dhe po marrin ndihmën mjekësore të nevojshme.

Në vendin e ngjarjes ndodhen forcat e policisë rrugore, të cilat po punojnë për zbardhjen e rrethanave të aksidentit dhe përcaktimin e shkakut të saktë të përplasjes.

LEXONI GJITHASHTU: 

• Aksident tragjik në Bulqizë: Raportohet për dy të vdekur, një tjetër në spital
• Makina përplaset me murin dhe përmbyset, plagosen çifti i bashkëshortëve