Aksident i rëndë në Gjirokastër, kamioni përplas 5 automjete, lëndohen 2 persona

Një aksident i rëndë është regjistruar në zonën e njohur si Folesha, në Gjirokastër, ku një mjet i bashkisë që transportonte rërë për punime në rrugë ka pësuar defekt në sistemin e frenimit.

Sipas informacioneve paraprake, drejtuesi ka dashur të ndezë mjetin me të lëshuar, por nuk ka arritur të ndalojë në kohë, duke përplasur disa automjete të parkuara përgjatë aksit. Më pas, mjeti ka goditur edhe një automjet tip “Benz” që po hynte në kthesë në momentin e aksidentit.

Në total kamioni ka përplasur 5 automjete dhe ka lënë të lënduar lehtë 2 persona, si dhe ka dëmtuar një banesë. Policia ka mbërritur në vendngjarje dhe po heton rrethanat e aksidentit.