Një aksident i rëndë ka ndodhur mëngjesin e kësaj të diele në Kodrën e Rrushbullit, në Durrës, ku dy automjete janë përplasur kokë më kokë. Në përplasje janë përfshirë një automjet tip “Volkswagen” dhe një tjetër tip “Ford”, ndërsa të dy drejtuesit e mjeteve kanë mbetur të plagosur dhe janë transportuar me urgjencë në spital.

Për shkak të impaktit të fortë, drejtuesi i mjetit “Ford” ka mbetur i bllokuar brenda makinës, duke kërkuar ndërhyrjen e forcave zjarrfikëse për të dalë.

Sipas burimeve nga spitali, të dy të plagosurit ndodhen jashtë rrezikut për jetën. Testet e kryera kanë konfirmuar se asnjëri prej drejtuesve nuk kishte konsumuar alkool para aksidentit.

Policia ka nisur hetimet për të zbardhur shkaqet e plota të ngjarjes.

LEXONI GJITHASHTU:

• Të paktën 34 të vdekur nga tornadot në jug të SHBA
• Papunësia zbret në nivelin 8.8%, Shqipëria përballet me mungesë fuqie punëtore