Aksident i rëndë në Lezhë, furgoni i shkollës përplas fëmijën

Mesditën e sotme është regjistruar një aksident i rënd në Shënkoll të Lezhës, ku një 6-vjeçare është përplasur nga një furgon që transporton nxënës.

Si pasojë e dëmtimeve të marra është transportuar në spitalin e Traumës, teksa Burime pranë spitalit për Euronews Albania konfirmojnë se fëmija është në gjendje të rëndë shëndetësore.

Policia ka arrestuar shoferin e furgonit, 56 vjeçarin, Petrit Frroku, të cili i kanë bërë dhe një test alkooli, ku nuk ka rezultuar që ai të ketë konsumuar alkool.

Njoftimi i Policisë:

Specialistët e Qarkullimit Rrugor në DVP Lezhë, arrestuan në flagrancë për veprën penale “Shkelja e rregullave të qarkullimit rrugor”, shtetasin P.F, 56 vjeç, banues në Lezhë.

Ky shtetas duke drejtuar automjetin e tij autobus që transporton nxënës shkolle, në aksin rrugor dytësor Shënkoll-Lezhë, ka aksidentuar një vajzë të mitur 6 vjeçe, e cila u transportua në Spitalin e Traumës, Tiranë për ndihmë mjekësore më të specializuar.

Automjeti autobus është bllokuar në Komisariat në cilësinë e provës materiale.

Drejtuesit të automjetit i është bërë dhe testi i alkoolit ku ka rezultuar se nuk kishte konsumuar alkool (0.00 mg/l)

Grupi hetimor nën drejtimin e Prokurorisë po vijon veprimet hetimore për dokumentimin e plotë ligjor të këtij rasti.

LEXONI GJITHASHTU:

• Aksident tragjik në Maqedoninë e Veriut, humbin jetën dy shqiptarë
• Aksident me një të vdekur në aksin rrugor Korçë- Polenë (Emri)