Aksident i rëndë në Librazhd-Përrenjas, makina përmbyset në asfalt

Një aksident i rëndë ka ndodhur mesditën e kësaj të hëne në aksin kombëtar Librazhd-Përrenjas, në vendin e njohur si “Kthesat e Dragostunjës,” rreth 3 kilometra larg qytetit të Librazhdit.

Sipas burimeve nga vendngjarja, një automjet që dyshohet se po qarkullonte me shpejtësi ka humbur kontrollin gjatë një parakalimi dhe është përmbysur. Si pasojë e aksidentit, janë plagosur drejtuesi i mjetit dhe një pasagjer, të cilët u transportuan me vështirësi drejt spitalit për shkak të trafikut të rënduar në këtë aks rrugor.

Gjendja e të plagosurve mbetet ende e paqartë, ndërsa ekipet mjekësore dhe policia janë në vendngjarje për të dhënë ndihmën e nevojshme dhe për të zbardhur shkaqet e aksidentit.

LEXONI GJITHASHTU:

• Aksident i frikshëm në rrugën Elbasan-Librazhd, makina përmbyset në rrugë
• Aksident i trefishtë në aksin Lezhë-Laç, tre të plagosur