Një aksident i trefishtë ka ndodhur pasditen e sotme në aksin rrugor Lezhë-Laç, ku janë përplasur dy autovetura dhe një trajler. Si pasojë e përplasjes, tre persona kanë mbetur të plagosur dhe janë transportuar menjëherë në spitalin e Lezhës për të marrë ndihmën e nevojshme mjekësore.

Fatmirësisht, burime nga spitali konfirmojnë se gjendja e të plagosurve është jashtë rrezikut për jetën.

Sipas të dhënave paraprake, shkaku i aksidentit dyshohet të jetë një parakalim i gabuar, por autoritetet janë ende duke hetuar për të përcaktuar rrethanat e sakta të ngjarjes. Policia ndodhet në vendngjarje dhe po punon për të normalizuar qarkullimin, i cili është bllokuar për disa minuta.