Një aksident i rëndë ka ndodhur në afërsi të fshatit Vloçisht, të Maliqit, paraditen e kësaj të premteje.
Paraprakisht mësohet se një autobus është përplasur me një kamion. I bllokuar ka mbetur drejtuesi i autobusit, i cili pas ndërhyrjes nga forcat zjarrfikëse është mundur të nxirret nga mjeti.
Shoferi është transportuar me urgjencë drejt spitalit për të marrë kujdesin e nevojshëm mjekësor.
Mësohet se pasagjerët janë të gjithë mirë.
Policia dhe grupi hetimor ndodhen në vendngjarje dhe po punojnë për zbardhjen e rrethanave të ngjarjes.