Aksident i rëndë në Peqin, makina përplas për vdekje 10-vjeçarin

Një aksident i rëndë me pasojë vdekjen e një të mituri është shënuar të enjten në Peqin.

Ngjarja ka ndodhur në fshatin Pajovë të Peqinit. Sipas informacioneve paraprake, dy mjete janë përfshirë në një aksident në rrugë.

Njëra prej makinave ka dalë nga rruga dhe ka përplasur të miturin, duke i marrë jetën.

10-vjeçari u përplas nga automjeti tip Volkswagen golf. Automjeti drejtohej nga shtetasi Odorian Petriti, 46 vjeç, ndërsa automjeti tjetër tip Audi drejtohej nga Mikel Petriti, 41 vjeç.

Viktima është identifikuar si Enjo Tabaku. I mituri ka gjetur vdekjen e menjëhershme për shkak të plagëve të shumta.

Policia ka shoqëruar dy drejtuesit e mjeteve dhe po punon për zbardhjen e plotë të ngjarjes.

LEXONI GJITHASHTU:

• Prindërit i humbën jetën në aksidentin në Greqi, Armando Duka ngushëllon trajnerin
• Aksident në Bulqizë| Makina përplaset me kolonën, plagoset rëndë shoferi